اول محاولاتى فى كتابة الزجل
يا سلام ياسلام على اهل الحارة شباب وبنات .....ستات ورجالة
والناس الكوبارة ...كوبرات الحارة رايحين جايين او على قهوة عم شطارة
هناك قاعدين
ميكل وحسين م المدرسة طوالى راجعين
وبشارة وبطرس مع مصطفى وحسين كل يوم مع لعب الكورة
الست هدى مع ام حمادة نازلين تفصيل
فساتين وبدل اشكال والوان
يتباعو فى اول ناصية عند محل مدام انجيل
اما الاستاذ عبدالله يا عينى عليه
شقيان من مدرسته الصبح لمجاميع بالليل
وعم حسن بياع الفول بجرس بيلف وينادى عليه
وصحبة ورد ..فل وياسمين من عم شاهين
لضحى ومنال ... اللى من الجامعة سوا راجعين
شوفتوا ازاى اهل حارتنا عل الخير دايما متجامعين
والله زمان يا اهل الحارة ..بس خسارة
فين دلوقتى الباب فى الباب والناس تايهين
2 comments:
للاسف الباب فى الباب و الناس تايهين
عرفتى تعبرى صح
و بدايه جميله فى الزجل
ميرسى يا دولسى يا حبيبتى
للاسف فعلا كان بقة كدا
انا فاكرة زمان لما كنت صغيرة
كانو كل جيرانا اللى فى العمارة
لما يدخل العيد ولا لما يكون فى مناسبة عند اى حد
الاقيهم كلهم عند بعض ويساعدو بعض
حتى احنا الصغيرين دايما نلعب مع بعض
بس للاسف سنة ورا سنة كل جار عزل لكان مختلف
وجيرانا حاليا والله ما اعرف اسمهم ايه
ولااااااا لينا اى اختلاط باى حد
اكتر من سلام عليكم فى الطالعة او النازلة
بس الاجمل من دا كله ان كل جيران العمارة القديمة لسة بيتصلو ببعض
وبيتجمعو فى العيد
Post a Comment