اخبار اهرام جمهورية
اقرا عن الحادثة الجماعية
4كانوا بينتحروا جتلهم الصحوة الفوجائية
اخبار اهرام جمهورية
اقرا عن الصحوة الجماعية

الشجاعة
اسوَد العالم فى عنيا .. لما العقل مني شت .. واختار الموت وانتحر
م الخوف شعرى شاب .. وم الوحدة واليائس ظهرى انكسر
ملقتش قدامى حل غير الموت .. وفى عز احتضارى سألت نفسي ازاى اختارته بشجاعة
وانا خوفت اواجه الحياه .. ووضحت فى عينى المأساه .. بدنى انتفض .. فردت طولى بقوة وصمود
وطَلّعت صرخة باعلى صوت .. انا لسة عايشة انا مش هموت
الموت ..لليأس.. للخوف ..للسكوت.. انا مش هموت انا مش هموت

الامل
جاتنى الشجاعة وانا بشرب الجرعة الاخيرة
ورميتها من ايدي وقالت لى فوق
دا انت معاك بنطير لفوق نوصل لاحلامنا البعيدة
دي الحياه من غير وجودك عمرها ما تكون سعيدة
لازم تعيش وتزور قلوبنا .. افتح بيبان الدنيا الجديدة
صحي جوانا الارادة والعزم والهمة الشديدة
فهم الامل رسالته فى الحياه وايه هى مهمته
وصرخ بعلو صوته يعلن لنا عن صحوته
انا لسة عايش مش هموت
الموت.. لليأس.. للخوف.. للسكوت انا مش هموت انا مش هموت

القلم
سامع صوت بينده عليا.. شجاعة وامل بيسألونى انت فين
قولت لهم هنا .. خلاص انكسرت بقيت نصين
انت شايف بانهى عين دا انت يا ناصح بقيت اتنين
نص يكتب فى الحياه اشعار ونص يفقع لظالم عين
وانتو الاتنين على صفحة بيضا ترسموا قلبين
وتحتهم رسالة اشواق و حب فى سطرين
مد القلم ايده لنصه التانى واتحدوا.. كتبوا بخط عريض
احنا اتخلقنا عشان المواجهة والتحدى .. عشان نعيش
الموت لليائس.. للخوف.. للسكوت ..لازم نعيش لازم نعيش

العقل
العقل مات .. طب والعمل
وبكل قوة وحكمة كان رد الامل
العقل اللى مات دا كان مريض .. غيره اتولد
لحظة شروق الفجر الجديد ..
انما باين عليه حتة ولد ..
حالف يعيش مرتاح سعيد
وهدف حياته هيحققه بكرا اكيد

فرح القلم ويا الشجاعة والامل والعقل جى من بعيد
مادد ايديه
جه وقت اننا نتحد ونلف على كل البيوت
نعلنها للعالم بحاله ونقولها للناس باعلى صوت
الموت لليائس .. للخوف ... للسكوت .. احنا اتولدنا علشان نعيش
لازم نعيش لازم نعيش
ولعمر حاجة تهزنا او حتى تكسر حلمنا
احنا اتوهبنا للحياه .. واللى يبعد عنا تاه
وكل معانى الحرية .. رسالتنا لاجيالنا الجاية

اخبار اهرام جمهورية
اقرا عن الصحوة الجماعية
اقرا عن الصحوة الجماعية

اجمل 3 ايام فى حياتى .. اليوم الثالث

اليوم التالت والاخير
صحيت كالمعتاد قبل ما المنبه يرن .. بس فضلت فى السرير باصة للسقف .. بقول لنفسي .. بقة معقول
اجمل حاجة تحصلى فى حياتى تخلص بسرعة كدا .. انا مش عايزاه يخلص ..
قومت وجهزت نفسي واستعديت للنزول كنت سعيدة وحزينة فى نفس الوقت .. سعيدة انى عايشة التجربة ديه
وسعيدة انى هروح اشوف اصحابي واقضى معاهم يوم تالت جميل بس حزينة انه اليوم الاخير
فى الطريق كان جوايا حماس وفضول جامد جداا .. يا ترى ايه اللى هيحصل النهاردة
هتكون التدريبات شكلها ايه .. صعبة ولا سهلة .. وفى وسط حماسي دا قابلت بنوتة جميلة من اللى بيتدربو معانا
بس من اسرة تانية .. فضلنا طول الطريق نتكلم ونصوف لبعض احساسنا فى الايام الى فاتت نزلنا وزي اليوم التانى
دخلنا سلمنا على اصحابنا من الاسر التانية .. لكن ببص على الناس اللى جاية .. لقيت ناس شايلة بلونات واكياس هدايا
يا خبر .. انا متوقعتش ان الناس هتعمل انشطة بجد .. الناس بتكتر وكل اللى بيجي بردو شايل حاجات فى ايده وانا بتزيد جوايا خيبة الامل
يعنى احنا تقريبا الاسرة الوحيدة اللى معملناش نشاط .. بقيت مستنية باقى افراد اسرتى يظهروا بفارغ الصبر
ووقفنا اتكلمنا وطبعا اضايقنا من نفسنا ان محدش فينا عمل اى حاجة وقفنا نفكر طيب هنعمل ايه
الوقت اتأخر على اننا نحاول نعمل اى حاجة وجت الساعة 9 وبدأو يطلبو مننا ندخل المبنى .. بس فجأة
احمد البندارى قال لو حد جه معايا هنروح نجيب بلونات .. قولت له انا جاية معاك
روحنا اشترينا خمس بلونات كبيرة ورجعنا باقصى سرعة نفخناهم كانو اكبر حجم بلونات فى الاسر كلها وكانت الوانهم جميلة
بس كان فى حاجة اجمل .. لما كنا واقفين ننفخهم ونهزر زي الاطفال الصغيرين بالزبط واتحمسنا لدرجة ان محمد وعماد نزلو جري هما كمان رغم ان فاضل على دخولنا القاعة مش اكتر من دقيقتين ..جابو كمان 5 بالونات ونفخناهم بردو كانو عاملين بوكيه كبير الوان زاهية ومختلفة
كنا شايلنهم كأننا شايلين قنابل لان لو واحدة فرقعت الباقى هيفرقوا هههههههههه كنا اطفال بجد .. رغم اننا اقل اسرة عاملة نشاط
بس حسيت ان الناس بتتمنى تكون زينا معاهم بلونات كبيرة لونها حلو زينا .. وعمالين يضحكوا ويهزروا زينا
ههههههههه دول كمان كان فى ناس بتجي تطلب مننا نسلفهم بلونة
دخلنا ولاول مرة بدون ما حد فينا يشد التانى .. عملنا الصيحة من نفسنا .. بحماس وقوة وسعادة
وزي ما اتعودنا فى بداية كل يوم ان كل واحد بيحكي ايه جديد اكتسبه ... كان شئ جديد جداا وملموس جداا
ان واحدة من الاسرة .. اسمها نهال .. بالكاد الايام اللى عدت كانت بتتكلم .. لقيتها اول واحدة اتكلمت .. كانت بتتكلم بثقة وحماس لدرجة ان هزة رجلها من شدة حماسها كنت حساها فى الكرسي بتاعى .. كنت سعيدة بيها قوى .. وكذلك مرام ( الام) ولو انى زعلانة عشانها .. انها فوتت على نفسها فرصة انها تعيش التمرين .. وبصراحة اضايقت منها انها كل شوية تسيب التدريب عشان تتكلم فى التليفون .. احنا اسرتنا درجتها كانت قليلة ومش ناقصين حاجة كمان تشوه صورتنا
دا غير انى كنت مضايقة اكتر عشان مستر عبد الله .. كانت ساعات بتقوم بدون ما تقول ودا اكيد كان بيضعف موقفه ومش حلو فى حقه لانه الدايركت تيتشر المسؤل عن اسرتنا
المهم معتز واحمد وعماد ومحمد ومرام ونهال وانا .. كلنا اتكلمنا .. كلنا كان جوانا سعادة وحماس وكلنا مش بس اتكلمنا عن التغيير اللى حصلنا .. احنا اصلا حسينا بتغيير بعض

دخل مستر رامي صبح علينا بوشه البشوش وضحكته الجميلة .. واحنا كنا بنصبح عليه رافعين البالونات الكبيرة لفوق
فصبح علينا تانى وحيانا وطلب من اسرة اسرة انها تطلع تقول عملت نشاط ايه

مكنش عندى فكرة ان النشاط عليه درجات لما طلعنا طلب ان حد مننا يتكلم عن النشاط فعماد اتكلم بس بعيد عن الاجابة اللى كان مفروض تتقال .. يمكن كان بيدارى على اننا مش عاملين نشاط .. فمستر رامي سأل تانى مين هيتكلم على النشاط فاتكلمت انا .. وعبرت بكل صراحة عننا .. قولت اننا معملناش نشاط .. لان النشاط اللى علمناه .. هو فرحة جوا قلوبنا وضحكة على وشوشنا .. عايشين بروح اطفال عندها 5 سنين .. وطبيعي اننا اطفال شايلين بلونات العيد
لقيت القاعة كلها سقفت لنا تسقيف جامد ونزلنا .. مأخدناش درجات كتير .. بس كنا برضو فرحانين وراضيين
لاننا متعبناش عشان نستحق درجات وبالترتيب اسرة اسرة طلعت اتكلمت عن النشاط وهنا
حزن وخجل جااااااااااااااااامد جداا دخل قلبي .. مش عشان احنا اقل درجات .. بس عشان احنا نسينا نتكلم عن حد مهم جداا .. نسينا نشكر اهم حد فى الدنيا على وقوفه جنبنا وتشجيعنا .. مستر عبد الله .. احنا مكناش نعرف اننا اصلا هنطلع نتكلم على النشاط ويمكن لاننا اول اسرة طلعت فاتلجمنا .. او بالبلدى اتاخدنا على خوانة .. بس بجد زعلت جداا من نفسي ومننا كلنا .. ويكمن كلنا بصينا لبعض من غير ما نتكلم واحنا زعلانين وكل واحد بيقول احنا قصرنا فى حقه .. اعتذرنا له وهو قالنا انه مش زعلان لان هو اصلا حد جميل جداا وطيوب قوي
مستر رامي بروحه الجميلة كان كل شوية يهزر معانا عشان مش نزعل اننا اقل اسرة فى الدرجات بس فى الحقيقة ان كفايا بس ضحكته ديه لوحدها ب الف درجة غير مكتوبة
كل الاسر حلويين وروحهم اكتر من هايلة .. كلنا حيينا بعض واتشاركنا فرحة النشاط وكمان احنا كنا دايما بنصوت على اعلى الدرجات لكل اسرة مقدمة نشاط لان بصراحة كلهم يستاهلو وخلصنا الكلام عن الانشطة
والوقت اخدنا
كنت جايبة معايا اكياس كابتشينو عشان اللى حابب يغير الشاي فى الفطار يحطه فى المية السخنة بدل الشاي
هههههه بس لان الكلام عن النشاط اخد وقت مأخدناش فطار وبدأنا فورا الدرس الاول فى اليوم التالت
مع مستر احمد الدسوقى وكان من امتع الدروس كان هو بيحكي لنا واحنا قاعدين بنسمع بكل استمتاع وبنتأثر ونتفاعل معاه بنفس تعبيرات وشه
كأن جد مجمع احفاده وبيحكيلهم حكاية جميلة وكلهم بيسمعوها ولو ان مستر احمد لسة شاب ما شاء الله عليه
خلصنا درس دخلنا فى التانى درس الثقة بالنفس كان فى تمرين عملى على الدرس دا بس طبعا قبل ما نخلص الدرس
مستر احمد بص فى وشوشنا لقانا ضعنا ههههههههههه الجوع عمل عمايله معانا .. ادانا بريك صغيرة عشان نستعيد نشاطنا ونصلى ونتصور مع بعض صورة جماعية .. وكانت صورة حلوة جدااااااااااا
خلصناها وطلعنا تانى اماكنا اتغدينا بسرعة وطبعا على الغدا زي كل يوم قعدنا نتكلم مع بعض وكان حلو قوى ان شاركنا ترابيزتنا اكتر من سينيور تيتشر كنا بنتكلم ونهزر كلنا خلصنا ورجعنا اماكنا بسرعة

وبدأ مستر رامي يكملنا درس الثقة فى النفس لان مستر احمد الدسوقى كان بيستعد لاداء تجربة التمرين اللى احنا مفروض هنعمله .. وكالمعتاد هغيظكم ومش هقولكم كان ايه بس كل اللى اقدر اقوله انى لما شوفته بيعمله قولت حاجة واحدة
OOOOOOOO MY GGGGGGOD
حسيت ان نبضى هرب وضغطى وطي .. لمجرد خوفى على مستر احمد .. رغم انى واثقة ان التمرين دا هيتم على افضل ما يمكن لكن بردو خوفت .. او يمكن اللى خوفنى اكتر انى مفروض اعمل التمرين دا
الناس كلها طبعا عندها زهول ومش متخيلين انهم هيعملو التمرين دا .. انا اولهم .. لالالا انا مش معقول هعمل دا
بس لقيت صوت تانى جوايا .. بيقولى لو كل اللى حواليكي دول بيقولو مش هيقدروا يعملوه فانتى لازم تعمليه وتنجحى فيه
وبدأ كل واحد ياخد دوره وجه الدور عليا .. لقيتنى بطلع اقف مكانى .. مفروض ان مستر رامي بيدينا دقيقتين نغمض ونسترخى فيها والموسيقى اللى شغالة حالمة جداا تساعد فعلا على الهدوء والاسترخاء
ساعتها غمضت عنيا واخدت نفس عميق وهادي شديت جسمي وفضلت اتكلم مع نفسي انا قدها .. انا قوية ومطمنة .. مس ضحى واقفة ورايا انا بثق فيها .. انا قوية وهنجح .. انا هقدر .. لازم اقدر .. لازم اتحدى نفسي واتحدى الجميع
انا هنجح وهعملها .. دقيقتين كنت فى قمة التوحد مع نفسي .. منفصلة تماما عن كل اللى حواليا سامعة صوت المارد الايجابي اللى جوايا وبس
وبدأت موسيقى الاستعداد ضربات درامز قوية كأنها ضربات قلبي وفى اللحظة المطلوبة .. انطلقت بكل ثقة وشجاعة
فتحت عنيا وانا بين احضان كل اللى حواليا بيهنونى انى عملت التمرين صح وفى اخر القاعة كان واقف مستر عبد الله
حيانى بنظرة جميلة قوى ورفع لى ايده بعلامة ( كدة ) خلانى طيرت من الفرحة ولما لفيت لما عشان اسلم على واحدة كمان من اللى واقفين حوالية لقيت عماد بيقولى انا شوفتك .. بصراحة عشرة على عشرة ..خلانى فرحت جداا بس اللى فرحنى اكتر كمان .. ايماءة تحية من مستر موفق جمال اللى هو كمان شافنى وحييانى على التمرين .. كنت طايرة من السعادة ووقتها عرفت قد ايه انى بثق فى نفسي وانى على استعداد انى اثق فى الناس اللى بقابلهم فى حياتى .. حتى لو مش اعرفهم .. بثق فى نفسي كل الثقة لكن طبعا الحمد لله ربنا كافانى ويكفى الجميع شر الغرور
كل واحد فى القاعة عمل التمرين وكل واحد فرحان انه اتغلب على خوفه ووثق فى نفسه وفى اصحابه وكلنا فرحانين عشان بعض
رجعنا اماكنا وجينا للدرس الاخييير
وفيه كان لازم اقف قدام نفسي واشوف فى اعماق نفسي ايه هو هدفى فى حياتى
فى البداية كان مفروض انى احدد 10 اهداف وبالتدريج وفى وقت قياسي بتخلى عن هدف وبتمسك بغيره لحد ما فى النهاية بتمسك بهدف واحد بس مش بتخلى عنه
طبعا مكنش سهل فى كل مرة بتخلى فيها عن هدف من اللى حددتهم.. كلهم كنت شايفاهم ضرورين فى حياتى .. لكن اتخليت عنهم لسبب .. احب احتفظ بيه لنفسي .. ويمكن لو حد قرا اليوميات ديه وحب ياخد التدريب
ودا شئ بتمناه جداا ان كل الناس تاخد التدريب دا .. مش عايزة احرق لكم السبب واللى يعتبر الهدف من التخلى عن باقي الاهداف لصالح هدف واحد
ياترى دا كل شئ .. ههههههه لا طبعا
كان لازم كل واحد يثبت انه فعلا قادر يحافظ على هدفه اللى بين ايديه وهيتحمل المتاعب والاحباط
بس يثبت مش بالكلام ..... بالـــــــفــــــــــعـــــــــل
عملنا تدريب اخير .. كل واحد .. على قد العزيمة والاصرار اللى جواه وتمسكه بحلمه .. يطلع قوة بدنية فى التدريب
وباعلى صوته يقسم انه لازم ينجح .. لحظة تحدى حقيقية تانية .. بس مش بيتحدى فيها حد غير نفسه
عملنا التدريب .. انا معرفش اللى حواليا كانو عاملين ايه فيه ومكنش سامعة صوتهم عامل ازاى ..
كنت مركزة قوى بضرب الهوا بكل قوتى وبقسم باعلى صوتى .. الاصرار جوايا والتحدي فى عنيا وكل لما كنت احس التعب هيبدأ يهاجمنى .. كنت ابص فى وش مستر رامي .. واسمع صوت مستر احمد .. واقول لنفسي انا مش هخذلهم
ومش هخذل نفسي واعلى صوتى اكتر واضرب بايدي اقوى لدرجة انى مأخدتش بالى انهم انهو التدريب وكنت مستمرة
ولما خلصت .. حلت الراحة محل التعب .. مكنتش حاسة باي وجع فى جسمي .. ولا كنت حاسة بزورى ولا حاسة بالعرق اللى بيصب من كل حتة .. كنت حاسة انى فراشة .. بقينا نلف فى كل القاعة نسلم على بعض ونهنى بعض
وضحكنا ورقصنا .. واشتغلت الاغنية اللى بنحبها وعلمنا التمرين الايقاعى عليها بس المرة ديه
عملناها صح قوي وحلو قوي .. ماحنا مكانش مكسوفين بالعكس كنا متحمسين ومتعودين
رجعنا اماكنا تانى فى هدوء ونظام وجه وقت تكريم افضل اسرة .. افضل اب ... افضل ام .. افضل اخ .... افضل اخت
كل الاسر تقوم تقف .. وبدأ العد التنازلى ...
تم اعلان افضل اسرة .. واكيد مش احنا .. لكن كنا فرحانين بجد لان اللى فازوا يستاهلوها فعلا
12 اب قاموا وقفوا واعلنوا اسم افضل اب .. وطبعا مكنش اب اسرتنا .. لكن بردوا اللى فاز يستاهلها جداا
بس كمان كل اب فى كل اسرة كان كسبان حاجة تانية .. كسب تشجيع افراد اسرته اللى اتمنوا لو النجاح .. كسب حبهم .. كسب اسرة جديدة
وبالنسبة لعماد اب اسرتنا .. كانت مشكلته انه ملهوش اصدقاء .. وفى النهاية هو كسب 7 اصدقاء جداد
افضل ام .. للاسف اللى كانو واقفين 11 ام بس .. لان مرام من غير ما حد يحس ولا تبلغ حد سابتنا ومشيت وكلنا زعلنا منها .. على الاقل كانت تسلم علينا دا احتمال مش نشوف بعض تانى .. بس عموما ربنا يوفقها فى حياتها .. هى بنوتة عسولة خالص
فاضل افضل اخ وافضل اخت
وقفوا ال 12 اخ ولكنا سقفنا بشده ليه .. لان اللى فاز بيها .. ولد فعلا يستاهلها .. من قمة فشله ومعاناته قدر يخلق فى نفسه روح جديدة يواجه كل سلبياته ويحطمها
ان ان ااااااه .. جه وقت تكريم افضل اخت
لما مرام مشيت .. وجه وقت تكريم افضل ام .. بما اننا كدا كدا عارفين اننا مش هنتكرم .. كلهم قالولى اقفى انتى على انك ام الاسرة اترددت وفكرت للحظة انى اقوم بس مستر عبد الله قالى لاء محدش يقوم غير فى دوره
سهل طبعا ان اى حد يفكر ان من الممكن يكون مستر عبد الله بلغهم اسم الاب والام والاخ والاخت فمينفعش انى اخد دور اسمي مش مكتوب فيه .. بالذات كمان ان مستر عبد الله كان بيتكلم ومفيش رد فعل على وشه يخلينا نفكر فى حاجة تانية
بس انا بصيت له قوى لما قال الكلمة ديه .. وقولت له مش عارفة ليه مش عايزة اقرا ملامحك فشاور لى اسكت عشان نسمع مستر عبد الرحمن وهو بيتكلم
وقفوا ال 12 اخت وانا بينهم .. كنت سامعة اسمي فى وسط الناس اللى بتهتف .. بس عادي يعنى ماهم افراد اسرتى بيهتفولى بردوا .. وفضل مستر عبد الرحمن معلقنا دقيقتين قبل ما يقول اسم احسن اخت
وقبل ما ينطلقها بثواني بسيطة اتأكدت ان انا .. لما بصيت فى خباثة على وش مستر عبد الله ولقيته مبتسم جامد
واعلن مستر عبد الرحمن اسمى .. وطلعت على الستيدج واتكرمت ..اجمل شهادة تقدير واحلى بوكيه ورد فى الدنيا
والاجمل كمان .. احضان جميلة وفرحانة بجد .. كل اللى كانت تقابلنى تحضنى وتبارك لى
ورجعت بين افراد اسرتى اللى كانو قد ايه فرحانين وفخورين بيا
جوايا سامعة صوتى بقولى لنفسي اول الغيث قطرة .. وادينى حطيت رجلى على اول طريق النجاح
روحت سلمت على كل الناس المميزين اللى اتأثرت بيهم فى التدريب دا وشكرتهم كلهم لانهم كانوا اول واجمل دفعة ليا فى التدريب
بس فى اخر لحظة حصلت حاجة ضايقتنى قوى .. الورقة اللى كتبت فيها هدفى فى الحياة واقسمت انى احققه كنت حاطاها فى الماتريال بتاعتى ولما طلعت اتكرمت حطيت الماتريال على الكرسي .. لكن اللى نقلها جنب شانطتى والجاكيت مأخدش باله انه وقع الورقة ولما رجعت بلم حاجاتى لقيت الورقة فى ايد مستر احمد لقاها على الارض ادهالى وفى عنيه نظرة عتاب .. قتلتنى .. ازاى دا حصلت .. كنت مضايقة جداااااااااا وكنت على وشك انى اعيط .. بس مستر احمد
انسان طيوب وجميل وحنون جداا لما حس بيا قد ايه اضايقت .. ابتسم وقالى معلش .. تلاقى وقعت من الماتريال شكرته ووعدته ان حلمى مش هيضيع مني تانى
كان نفسي طبعا اكمل معاهم الاحتفال للاخر .. لكن كان الوقت اتأخر ومشوارى لسة طويل
شكرت مستر رامي ومستر احمد وسلمت على مستر موفق
وحضنت مس ضحى اجمل حضن فى الدنيا
وبصيت على احب قاعة لقلبي
وعلى كل الوشوش الفرحانة اللى بتضحك ضحكة من القلب .. كل الناس اللى عيشت بينهم

اجمل 3 ايام فى حياتى

Unforgetable Experience

اجمل 3 ايام فى حياتى .. اليوم التانى

السلام عليكم ورحمة الله وبركاته

اليوم التانى .. ياترى اللى بيقرأ اليوميات ديه متوقع يكون اليوم التانى شكلو ايه

صحيت الصبح من قبل ما المنبه يرن قومت لبست وجهزت نفسي ومرديتش افطر .. عشان افطر مع اسرتى فى التدريب

رغم انى عاملة دايت ومش بفطر حاجات تذكر يعنى .. بس كفايا اننا هنكون على ترابيزة واحدة بنتشارك

نزلت قبل مكان النادي بشوية عشان اتمشى وانشط نفسي رغم ان حماسي لبدء يوم جديد كان مخلى جوايا دفعة ونشاط غير طبيعين

دخلت ومش زي المرة اللى فاتت اخدت ركن .. لاء انا دخلت دايركت على المكان اللى الناس واقفين فيه

سلمت عليهم وعرفتهم بنفسي وانا من اسرة ايه وهما كمان عملوا نفس الشئ

180 درجة

اختلاف عن اول يوم .. كنا كلنا كمشانين فى نفسنا سقعانين ومش عايزين نتكلم مع حد

انما تانى يوم كنا كلنا مبتسمين وبنتكلم سوا ونهرج ولما حد جديد يجي مش بنستناه يوصل لعندنا كنا بنبادر ونوصله نسلم عليه

دايرتنا عمالة تكبر وعمالين نتكلم ونهرج

كنت واقفة بتكلم واهرج وفى نفس الوقت عينى على البوابة مستنية وصول افراد اسرتى وكل لما واحد منهم يوصل

اروح اسلم عليه واسأله عملت ايه لما رجع البيت وعمل الحاجات اللى كانت مطلوبة مننا ولا لاء

واللى مكنش عملها فيهم كنت بشجعه يقعد يعملها بسرعة

ولما وصل مستر عبد الله

ووقفنا معاه .. اتكلمنا كلنا سوا واتفقنا ان النهاردة لازم نكون فعالين واكتيف اكتر من امبارح

دخلنا القاعة وقعدنا فى المكان بتاعنا

لما قعدت .. قولت لنفسي امبارح عيشت اليوم بكل لحظة فيه لكن بردو كنت شوية متحفظة

لكن النهاردة لاء .. مفيش تحفظ هعيش واتعايش مع كل لحظة وهسيب نفسي قوى

بدأنا التدريب على ابتسامة تشجيع جميلة

مستر رامي شكرى

وعملنا تدريب جميل قوى على اغنية اصبحت دلوقتى من اجمل الاغانى اللى سمعتها

ولحد دلوقتى كل يوم الصبح بسمعها واعمل نفس التمارين عليها

المهم خلصنا التمرين الجميل وقابلنا احسن حد فى الدنيا

حد بجد انا بفتخر انى فى يوم من الايام قعدت قدامه واتعلمت على اديه

خبير التمنية البشرية

مستر احمد الدسوقى

يااااااااااه بجد ايه الانسان دا وانا قاعدة بسمع له

مكنتش عايزة الوقت يخلص ابدا

خلانى عرفت حاجات كتير جوايا انا مكنتش اعرفها

خلانى اعرف يعنى ايه صديق

يعنى ايه انى ادي بدون ما استنى

ادور انا على نصي التانى بدون ما استناه هو لما يلاقينى

مش كدا وبس .. خلانى اشوف حاجات فيا مكنتش اعرفها

طول عمرى وانا والناس اللى يعرفونى عارفين ان خلقى ضيق

بمل بسرعة

معنديش صبر ولا مثابرة

لكن مع مستر احمد الدسوقى

عرفت ان جوايا قوة انا نفسي مكنتش اعرفها

خرجت الغضب اللى جوايا وركزته فى قوتى

عشان احطم كل السلبيات والجروح اللى فى حياتى

ولقيت عندى صبر انى اواصل بقوة لحد اخر لحظة

ولما خلصت التمرين لقيتنى زي الاطفال بنط لفوق

هيه هيه هيه هيه

انا نجحت .. عملتها .. انا نجحت

انا مش طعيفة

انا مش هايفة

انا مش سطحية

طالما قدرت اثبت لنفسي انى اقدر

وشهادة حق تتقال القوة الداخلية اللى لقيتها جوايا ديه .. كانت اشارة الانطلاق بتاعتها مش بس توجيه مستر احمد

لكن من دفعة قوة وحماس

زرعوها جوا كل واحد فينا اجمل اتنين فى الدنيا

مستر رامي شكرى ومس ضحى

لانهم ادو التمرين قدامنا ومقدرش اوصف اللى عملوه عشان مجرد الوصف بالكلام

هيشوه الحقيقة الجميلة اللى شوفتها بعنيا فى وشوشهم واصرارهم ونجاحهم

ومن اللحظة ديه انا هثبت لكل اللى شافونى غلط انى غير ماهم شايفنى

وحتى لو مش شافونى

هما الخسرانين

وميفرقش رأيهم معايا فى حاجة انا مؤمنة بنفسي

وعارفة حقيقة نفسي كويس

دا غير انى كمان اتخلصت من زعزعة ثقتى فى نفسي

طلعت على الستديج واتكلمت بصوت واضح وقوى

حكيت لك اللى موجودين عن حلمي

وطيرت فى السما معاهم وشاركت كل واحد فرحته بحلمه

بصراحة اليوم دا .. مستر احمد ومستر رامي

خلونى اعرف حاجات كتير كانت قدامى ومكنتش بحاول اشوفها

لما شوفتها مش ندمانة انها غابت عنى وضاع وقت كتير هدر

لكن سعيدة انى اخيرا شوفت الامور بوضوح

وقدرت اتصالح مع نفسي

من اجمل الحاجات اللى حصلت فى اليوم دا

انا واسرتى .. يمكن بردو مكناش فى نفس نشاط وحماس الاسر التانية .. لكن حسيتهم اتحركوا خطوة كمان قدام

اتلمينا على الفطار وعملنا حساب مستر عبد الله فى الشاي ههههه لان امبارح يا حرام نسيناه

او بمعنى اصح احنا مهتمنياش بالموضوع ككل

المهم قعدنا واتكلمنا وكل واحد عبر عن اللى حس بيه فى اول يوم

ونفس الشئ حصل وقت الغدا بعد لما مرينا بتجربة

أثرت جوا كل واحد فينا

اتلمنا وعبرنا

فى الحقيقة اننا اخدنا على بعض اكتر

بقينا اسرة بجد

وفى اخر اليوم حضنا بعض حضن صداقة بجد

خففنا عن بعض بجد ومسحنا دموع بعض

كنا حاسيين بعضنا قوى

كانت من اجمل الحاجات اللى حصلتلنا

وكالعادة ضحكنا وهرجنا مع بعض واتفقنا كلنا ان بكرا اخر يوم ولازم يكون اجمل يوم

هنوصل بدري

رغم اننا فشلنا فى الاتفاق على نشاط نقدمه بكرا

بس فى الحقيقة اننا قدمنا نشاط لكن هو ايه ؟؟؟؟

دا اللى هيتكتب فى اليوم التالت

بس قبل ما يخلص اليوم عايزة اقولكم ان التمرينات اللى عملناها

مكنتش عضلية بس .. كانت نفسية كمان

وكان فى ابتسامة تشجيع جميلة قوى

اول ابتسامة تشجيع شوفتها من اول يوم

اكيد طبعا كانت ابتسامة مستر موفق جمال اللى كان بيمر بين كل المتدربين يشجعهم ويديهم دافعة اقوى

اخيرا وليس اخرا فى كل تمرين بنعمله .. من اول يوم لاخر يوم

كان فى مشرفين روحهم وقلوبهم اجمل ما فى الدنيا

بابتسامتهم .. بتحفيزهم .. بصوتهم .. بعنيهم

كانو اجمل تشجيع لينا

اجمل ناس فى الدنيا هما الدياركت والسينيور والشيف تيتشرز اللى كانو معانا

اجمل 3 ايام فى حياتى .. اليوم الاول

السلام عليكم ورحمة الله وبركاته
اول يوم فى التدريب .. نزلت الصبح متلجة وعفاريت الدنيا بتتنطط فى وشي عشان صاحية بدرى ومعرفتش انام كويس باليل
واللى ضايقنى اكتر انى مكنتش اعرف الطريق من الهرم لنادي الابطال هتاخد قد ايه
فلقيتنى قدام النادي الساعة 7:30 فى حين ان معادنا 8:30
يعنى هقف ساعة كاملة لوحدى
يادي النهار ( طبعا دا كان رأي الاول ) قبل ما اكتشف حقيقة اليوم
اول واحدة شوفتها كانت مس منى
بنوتة جميلة ابتسامتها حلوة جداا

لفت نظرى وانا بسلم عليها انها بتسلم عليا بثقة وقوة .. استغربت منها
وقولت لنفسي انا عمرى ما كنت كدا
وعرفت بعد كدا انها دايركت تيتشر
دخلنا النادي وجوايا احساس بالملل فظيع لدرجة انى فكرت ارجع البيت تانى .. ادفى نفسي فى السرير واديها نوم
لكن قولت لنفسي اصبري يمكن !!! والحمد لله
لما دخلنا ظهرت بنوتة تانية .. واثقة من نفسها قوى .. خطواتها ثابتة .. ابتسامتها كلها حيوية وثقة
جت سلمت علينا وعرفتنا بنفسها وجمعتنا فى دايرة عشان تعرفنا على بعض
مس منى الموجى
كل لما تنضم لنا متدربة جديدة الاقيها تقول ان شاء الله هيكون يوم قوى جداا
ان شاء الله هيكون يوم جميل
ان شاء الله هتكون تجربة مش هتنسوها
يا ربي ايه دا .. هما هيدخولنا امتى بقة .. طبعا دا اللى كنت بقولو لنفسي لما كنت مجرد بنت عادية
سيبتهم واقفين بيضحكوا وروحت قعدت على ترابيزة لوحدى .. كان ضهرى مموتنى من الوجع ورجلى مش شايلانى
وكل شوية الاقى نفس الصورة بتكرر

بنوتة زي القمر ضحكتها حلوة .. جاية تسلم عليا وتصبح عليا

مس اية .. مس ندا .. مس الاء
وغيرهم
وجه وقت الدخول ولقيت قلبي بيدق نفس الدقة تانى .. دقة قوية
وسرحت مع نفسي دقايق قبل ما ادخل
قولت لنفسي مش معقول قلبي يدينى نفس الاشارة تانى ومصدقهاش
انا كتبت فى الاستمارة انى عايزة اطور مهاراتى ومصرة انجح
يبقى لازم اكون صادقة مع نفسي قبل ما اكون صادقة مع ورق يمكن محدش هيشوفو تانى وهيتحط فى فايل جوا درج
شيلت السماعات من ودانى وكملت كلامى مع نفسي
مش هخسر حاجة لما اجرب .. بالعكس احساسي بيقول انى هكسب ومش زي اى مرة
هههههههه بصراحة تظاهرت انى واثقة من نفسي .. وروحت المكان اللى مجمعنا فيه
وكان فيه بقة حتة بنوتة .. اول ما شوفتها مش شكيت لحظة انها مس ضحى
مش عارفة ليه حسيت ان هي يمكن لانى شوفت فى ملامحها الحماس والجدية اللى حسيتهم فى صوتها فى التليفون
بس حسيت انى محرجة اكلمها واقولها ان انا اللى كلمتها من اسكندرية وكنا متفقين نتقابل فى التدريب
اخدت بطاقة العضوية بتاعتى
ووقفت قلبى عمال يدق يدق مستعجلة عايزة ادخل بقة
وقفنا صفين .. قدام الباب .. واتفتح الباب وموسيقى ترحيب جميلة جدااا
خليت عيونى دمعت وحسيت ان فى قوى تانية شايلانى من على الارض بتدخلنى القاعة
وحد بيهمس فى ودانى .. ادخلى بكل ثقة .. اكيد مش هتندمي
دخلت والموسيقى حلوة قوى مخلية جوايا احساس بالنشاط نسانى كسلى وتعب رجلى وظهرى
لدرجة انى كنت مستعدة اجري فى التراك ( ههههههههه زي ما مستر مصطفى الدسوقى قال .. وانا كنت فاكراه بيتكلم جد ) المهم
وقف مستر عبد الرحمن
على الستيدج وبدأ يتكلم وقدم لنا
واحد من اجمل الناس فى الدنيا
خبير التنمية البشرية
MR.POWER
مستر رامي شكرى
اول مرة لما طلب مننا نغمض .. معرفش احساس غريب دخل جوايا خلانى ابكي
مش عارفة اتأثرت بكلامه .. ولا فرحانة انى اقتحمت راحة نفسية جوايا .. مش عارفة بصراحة
مينفعش طبعا اتكلم عن تفاصيل التدريب بس هقولكم ان مستر رامي طلب مننا نسلم على بعض وعلى كل اللى يقابلنا فى القاعة
سلمت على اللى كانت قاعدة جنبى والشاب اللى كان قاعد ورايا وبلف حواليا لقيت الناس بتسلم على بعضها
وانا مكسوفة اروح عند حد اسلم عليه
فلقيت جنتل مان واقف بيبتسم لى ابتسامة جميلة جداا وحنونة جداا
اتشجعت وروحت عنده اقوله صباح الخير
مد ايده بكل ود وصبح عليا
بعد كدا عرفت ان اللى بادرنى بالابتسام وشجعنى على السلام وصبح عليا
كان خبير التنمية البشرية
الانسان الجميل
مستر موفق جمال
بعد كدا اتقسمنا كلنا ل 12 اسرة
الاسرة بتاعتى كانت اصغر اسرة
كنا 7 اشخاص بس
3 بنات
واربع ولاد ومعانا دايركت تيتشر
شاب وسيم وضحكته جميلة قوى كان كفايا بس اننا بنص فى عنيه عشان نعرف هو عايزنا نعمل ايه
مستر عبد الله
بصيت حواليا فى وشوش اللى قاعدين معايا فى دايرة والمفروض هكمل معاهم ال 3 ايام
وحسيت انى عندى رغبة قوية جداااا انى استأذن مستر عبد الله واروح اى اسرة تانية
بس حسيت انى هسبب لهم احراج جامد
فرجعت قولت لنفسي معلش بقى استنى وخلاص
بس رجعت بصيت لهم تانى وقولت لنفسي
لالالا صعب اتعود عليهم انا عايزة اسيب الاسرة ديه
بس بردو رجعت فكرت مع نفسي .. انا اتفقت بينى وبين نفسي انى اعيش التدريب لحظة بلحظة ولازم اتعود واتآلف مع الاسرة
اللى مكنش ليا اختيار فى وجودى فيها
ودا اكيد لهدف ما .. لان مستر رامي شكرى تأكد ان محدش مننا يعرف بعضه
كملت واتعرفت عليهم واختارنا الاب والام والاخ
ولحظى اختارونى انا الاخت
وبدأنا بقة التدريبات وفى واحد من التدريبات كانت مس ضحى
بتشجعنا ولما عملت التدريب صح
حضنتنى وهي بتضحك وفرحانة
كان حضنها حلو قوى شجعتنى اقولها انا مين
ولما عرفت حضتنتنى تانى حضن اجمد واجمل
لما خلصنا التدريب اللى كنا بنعمله واللى تقريبا اتفرقنا فيه
ورجعنا تانى فى مكانا فى دايرة واحدة
وبصيت فى وشوشهم استغربت قوى انى وشوهم مألوفة بالنسبة ليا ومش مضايقة انى معاهم زي الاول
وجه معاد الفطار
مفروض اننا هنتجمع على ترابيزة واحدة والاب والام هيتعاونو انهم يجيبولنا الشاي وينظموا الفطار وينظموا رجوعنا تانى
بس لقيت كلهم فى الطناش وكل واحد فى مكان
اضايقت واتعصبت قوي
حاولت اساعد عماد ( الاب) اننا نجيب شاي معرفناش
ولما سألونى فى ايه مضايقنى .. قولت لهم انهم مش اكتيف وسلبيين قوي
كنت قليلة الزوق .. بس انا فعلا كنت مضايقة
بس فى واحد كان واقف شايفنى مضايقة لقيته بكل رقة وزوق
راح جابلى الشاى
الشخص دا يبقى احمد البندراى الاخ فى اسرتى
كلهم كانو بيحاولو بيراضونى بس بصراحة احمد كان زوق جدا
لانه كمان لما شرب من المية وكان طعمها مش حلو
وانا كنت عطشانة
نزل اشترالى مية مخصوص
ههههههههههه رغم انها اتخطفت من قبل ما اشرب
بس كفايا مبادرته الرقيقة
ساعتها حسيت جوايا انى مش هقف كدا متكتفة
الناس دول محتاجين اللى يصحصحهم وانا مش هسيبهم كدا
رجعنا مكانا وحاولت اشجعهم انهم يكونو اكتف اكتر من كدا
وكملنا اليوم والتدريبات
وفى اخر تدريب اللى مش مفروض اكشف هو ايه
هقولكم انى خرجت سكاكين كتير قوي كانت بتقطع جوايا
احجار تقيلة كانت كاتمة على نفسي ومخليانى كائن تعيس
خرجت كل كبت الدموع والصرخات اللى جوايا
فى البداية كنت بمسح دموعى بسرعة قبل ما حد يفتح عينيه فى الخباثة ويشوف
لكن وانا بمسح دموعى سمعت شهقة .. سكت وقولت لنفسي مش انا
ولقيت شهقة تانية شوتها رجالى شوية
ثانية بعد ثانية بتتوالا الشهقات
دا مش انا لوحدى اللى بعيط .. مش انا لوحدى اللى موجوعة
ساعتها سيبت نفسي اخرج كل اللى جوايا
عيطت بصوت عالى
مش انا لوحدى اللى مجروحة .. مش لوحدى ضعيفة
محدش فايق يبص على هموم حد كل واحد فى نفسه وفى حياته
ولما فتحنا عيونا
كان في حوالينا باقة ورد جميلة
وردة مبتسمة فى وشوش كل الدايركت تيتشرز اللى بيحاولو يضمونا ويطبطبو علينا
عشان يخففو عننا
رجعنا ضحكنا وهزرنا
بس الفرق ان المرة ديه الضحكة كانت طالعة من القلب قووووووي
صافية قوووووووي
خلصنا وطلعت اتصلت بخطيبى عشان اطمنه انى خلصت
ولقيت نفسي بكلمه بكل حماس واحكيله زي الطفلة الصغيرة
اللى بتحكى لباباها عن الرحلة الحلوة واللعب والحلويات والحاجات اللى عملتها طول اليوم
روحت عملت الواجب ودخلت نمت
نمت مرتاااااااااااااااااااااحة مش حاسة بوجع جسمي
مش حاسة باي حاجة
كل الاصوات والصيحات والصقفة واصوات الضحك بترن فى ودانى تانى
وروحت فى النوم فى نهاية اليوم الاول فى اجمل 3 ايام فى حياتى

1-اجمل 3 ايام فى حياتى

السلام عليكم ورحمة الله وبركاته

اجمل 3 ايام فى حياتى

ترددت تلك الجملة على أذنى الى ان اصابتنى بالضجر

فما المميز بتلك الايام الثلاثة التعسة لتصبح اجمل 3 ايام

هذا ما حدثت نفسي به فى اول يوم تدريب لى فى برنامج الانطلاق للتنمية البشرية

منذ لحظة وصولى وجميع من سبق واجتاز هذا التدريب من قبل يردد تلك الجملة

تقدمت لهذا التدريب لاحصل على شهادة فى الموارد البشرية المعتمدة من الاكاديمية البريطانية

لاضيفها الى ملف سيرتى الذاتية فاحصل بيه على وظيفة جيدة براتب مجزي

اعجبنى ان هذا التدريب عملى فانا امل من المحاضرات النظرية كما انها تشعرنى بالرغبة فى النوم

تحدثت لصاحبة الاعلان .. انها من الشخصيات الرائعة ذات الابتسامة الساحرة والارادة الفولازية

مس ضحى

حدثتنى بحماس شديد عن التدريب ولكنى لم اشاركها الحماس فكل مبتغاي ورقة لا اكثر ولا اقل

ولعلى كنت اعتزم تجاهل تلك الدورة التدريبية

ولكنها عاودت الاتصال بي مشجعة لى ان اشارك

شيئا ما فى حماسها لى جعلنى اسأل نفسي .. هل تستحق فعلا تلك الدورة حماس تلك الفتاة

ولكنى شعرت بالخجل من نفسي .. انها تسعى لصالحى بينما لا اسعى انا

اشتركت فى البرنامج التدريبى وذهبت للمقابلة الاولى لاستكمال اوراق التسجيل ومعرفة المزيد عن التدريب والمواعيد وما الى ذلك

فور دخولى المقر شعرت بخفقة قوية بقلبى .. ليست من عاداتى ان استسلم لتلك الاشارات العاطفية المبدأية

ولكن ما اصدقه حقا انى شعرت بارتياح شديد خاصة عندما تحدث الى احد المشرفين الرئيسين

وهو شخص اعتز به كثيرااا

مستر عمرو العوضى

حدثنى انا وصديقى عن اهم ما يعمل البرنامج التدريبي على ابرازه وتقويته فى شخصية المتدرب

كان يتحدث بثقة وحماس لا يقل عن حماس مس ضحى

وخفق قلبي بشدة للمرة الثانية

سمعت هاتفا بداخلى يحدثنى .. لن تكن تلك الدورة مجرد تدريب عابر .. ستقلب حياتك رأسا على عقب

وجاء اليوم الاول وترددت تلك الجملة على مسامعي كثيرا

وكما قلت سابقا اشعرتنى بالضجر

لا اعلم لما انقلبت مشاعرى فجأة .. ربنا لانى لم انم كثيراا

او لانى لم اعتاد الاستيقاظ باكرا والنزول للشارع فى البرد القارس

كنت عكرة المزاج لدرجة كبيرة

قابلت تلك الفتاة ذات الابتسامة المشرقة والايدى الناعمة القوية

مس منى .. صافحتنى بقوة وثقة وعرفتنى بنفسها

نظرت اليها وانا اغبطها على تلك الثقة وشعروها بالسعادة والارتياح

ثم تلك الشابة الواثقة من نفسها المتأنقة

شعرت للحظة انها سيدة اعمال ناجحة تخطو نحونا بابتسامة عريضة

وخطوات ثابتة واثقة

مس منى الموجي قامت بتبادل التعارف بين جميع المتدربات الحديثات

لم تكلاو تمل من التكرار ولم تفقد روح الدعابة بداخلها

ولكنها اصابتنى بالصداع لتكرار جملة

ان شاء الله هيكون يوم جامد جداا وجميل

لما تخلصوا التدريب هتقولوا كانو اجمل 3 ايام فى حياتى

لم اطل الوقفة معهن اتخذت مقعدا بعيد واخذت استمع للاغانى فى تململ شديد

الى ان حان وقت الدخول والتقيت بفتاه ذات ابتسامة ساحرة واعين واثقة

لم اشك لحظة انها مس ضحى ولكن شعرت بالحرج من ان اذهب اليها واخبرها انى هنا معها

حصل كل المتدربين والمتدربات على بطاقات العضوية

وخطونا اولى خطواتنا نحو

القاعة

بموسيقاها الرائعة

اضوائها الشاعرية الخلابة

ابتسامات منثورة بكل الاركان على اوجه المشرفين

حينها شعرت بشعور لم اشعر مثله من قبل

قلبى يخفق بشدة واعينى دامعة

فى الحقيقة لم يكن مجرد دخول للقاعة ولكنه كان اشبه بالحلم

انها كانت اولى خطواتى لدخول الحياة

ومن هنا بدأ اليوم الاول فى اجمل 3 ايام فحياتى

مسافر

فاق الولد من نومه على مشهد حزين 

دمعة سخنة وبوسة عالجبين 

من ابوه المسافر وامه اللى برحمها تانى جنين 

لا اله الا الله ... محمد رسول الله 

الله يجمعنى بيك فى الجنة مع الشهدا والصدقين 

قالوها لبعضهم وكانو اخر جملتين ..

والولد مش فاهم بس الجمل فى زهنه معلقين 

يما يما .. لوين رايح ابوي 

رايح لربه .. لابس توب شرف المجاهدين 

وينتا بيرجع .. وليش تركنى بدي اروح معو 

بدو يشتد عودك و تكمل مسيرته لما الوقت بيحين 

الله اعمل .. يمكن بليلة او بيوم نكون معو متجمعين 

غمض عنيه لما فهم .. لكن عزم يحضر نفسه ليوم الرحيل 

الام شافت ابنها نايم وبحضنه دفتر 

صفحاته فيها شعر ابوه .. وبينهم مخبى عروسة السكر

لاففها بمنديل امه الوردى المعطر 

احتارت الام .. ياترى يا صغِيرى لشو بتحضر 

فتح عيونه وقالها بدي اعطيهم لابوي .. يفرح ويحبنى اكتر

ضمته لصدرها خبيت دموعها بابتسامة وقالت له صار لازم عالمدرسة تفوت

راح الولد لكن رجع بالعلم ملفوف .. شيلاه الايادى ونامت فى قلبه رصاصة الموت

لاخر مرة حضنته .. وبسلامها لابوه واخوها وصيته .. لا اله الا الله .. قالتها وودعته

الضغط العصبي

هذه ليست مقال طبية او علمية وانما هى مقالة تعبر عن وجهة نظر كاتبها فقط .. اللى هو انا طبعا

يصاب احدهم بازمة .. غالبا عدة ازمات .. يعجز عن ايجاد الحلول .. حين تداهم الافكار رأسه بعشوائية وتتصارع دون هوادة

يوما بعد يوم يزداد شروده الذهني وبالتدريج يفقد قدرته على التركيز مما يجعله يزداد انفعالا ويستشيط غضبا ربما لابسط واتفه الاسباب

وكلما تزاحمت الافكار برأسه المسكين .. زاد احساسه بالعجز واحيانا ما يتعرض لنوبات اكتئاب

لقد وقع صريع الضغط العصبي .. ذلك الضغط الذى يصنفه الاطباء كواحد من الوحوش الضارية التى تفترس من يهاجمه

اذن يا صديقى اليس هناك حل ؟؟

بلى الحل يعلمه الجميع ولعل البعض يرفضه دون سبب مقنع الا وهو استشارة طبيب نفسي

هل صدمت .. لا تبتئس انه ليس الحل الوحيد .. ليس الحل الوحيد ان تذهب لطبيب فى عيادة فاخرة ذات الوان مريحة للعين

تسترخي امامه على اريكة مريحة وتنساب على مسامعك موسيقى عذبة .. تساعدك على ان تقص كل ما يجول بخاطرك

وقبل ان تغادر تتلقى بعض النصائح لمقاومة تلك الافكار ومحاولة تصفية الذهن .. يجب ان تقلل العمل .. سافر لمكان ما فانت فى حاجة لتغير الاجواء وقد لا تخلو النصائح من بعض التحيذرات عن

اثار الضغط العصبي على القلب وضغط الدم والاعصاب

ولعلك ستخرج ايضا حاملا تلك الورقة التى تحتوى على اسماء بعض المهدئات

لا تنظر الى بتلك النظرة فانا لا اقلل من عمل الطبيب النفسي ولعلى اول من احترم مهنتهم جداا

ولكنى اتحدث بلسان حالك او البعض فبعضهم يمقت زيارة الطبيب النفسي

اذن ماهى الوصفة السحرية التى ستخلصك من الضغط العصبي دون ان تتكبل عناء الذهاب لمختص نفسي

انها انت .. نعم سيدى انت طبيب نفسك

فانت لست فى حاجة لتذهب لطبيب يخبرك بما تعمله جيدا اويتوجب عليك فعله ولكن يكمن سحر الوصفة فى كيفية تنفيذ ذلك

يجب ان تجبر عقلك على التوقف عن التفكير دون ان ترهقه .. دون ان تشعر بالملل وان تعرف مسبقا عدم جدوى ما تفعله فانت عاجز عن التوفق عن التفكير .. انه لامر خارج عن سيطرتك

اذن اليك الكيفية

اولا احضر دفترا وقلما ..وقص على نفسك بالكتابة مشكلاتك بادق تفاصيلها

انت المريض واوراقك وقلمك هم طبيبك اذن حدث ولا حرج فليس هناك من تخجل ان تطلعه على حقيقة الوضع

ثور واغضب واكتب كل ما تشعر به حتى وان اطلقت العنان للسباب

ولكن فرغ كا ما بداخلك فى هذا الدفتر .. وحين تنتهى اغلقه ولا تقرأ ما كتبت

اغلقه فورما تنتهى وضعه حيثما تشاء

ثانيا .. ابحث فى ذاتك عما تحب .. عن احب شيئ لقلبك تحب ان تفعله

وربما كنت تفعله فى اوقات مضت ولم يعد لديك متسع من الوقت لتفعله

ولكن آن لك ان تكافئ نفسك وجسدك على ما يتحمله من عناء

امنحه ولو ساعة من وقتك تمنحه فيها شيئا يحبه

ربما كنت تحب القراءة .. اذن توجه الى احدا المكتبات وابتاع لنفسك كتابا فى مجال تحب القراءة عنه .. او تذكر افضل كتابا قرءته يوما واثر فيك واشتريه مرة اخرى واشرع فى قراءته

وان كنت من هواة فن الطبخ .. فتذكر اكثر اكلة تحبها اشترى مكوناتها بنفسك .. اصنعها بنفسك لنفسك وضح فيها لمستك الخاصة

افعل ما تشاء وتحب سواء قراءة .. طبخ ..التنزه مشيا ..كتابة .. موسيقى

الاهم هو ان تفعل ذلك بتركيز و باستمتاع .. حينها ستستحوذ على كامل تفكيرك وانتباهك

وهكذا فانت اعطيت عقلك هدنة

وضعت تلك الصراعات جانبا ومنحت عقلك لحظات من الاسترخاء والاستمتاع

هل فرغت .. اتشعر بتحسن ؟؟

خذ حماما دافئا ونل قسطا من النوم وحين تستيقظ التقط دفترك مرة اخرى

واقرا ما كتبت .. ستجد نفسك تقرأ بعين جديدة

عين تلتقط من بين طيات الورقات.. مفاتيح الحل .. تسبح بين الاسطر .. صدقنى بين تلك الاسطر ستجد حلا ما ان لم يكن للجميع فهو على الاقل افرغ مكانا فى تلك التكتلات

ستجد نفسك تفكر من جديد وبشكل مرتب دون انفعال ودون ضغط عصبي

يا صديقى اعطي عقلك دوما هدنه وكافئه بما يحب

ولا تستسلم لتلك الافة اللعينة التى حتما ستدوي بك الى الهاوية

je suis Malade

يوما بعد يوم واشهر بعد اشهر

والاعوام تمضي .. وها هو العام الثاني اشرف على الانتهاء

ولم تسمع منه خبرا ..وتعجز عن النساين .. تعجز عن انتزاع حبه من قلبها

تقف على جسر فوق نهر تنظر لترى على صفحة الماء ملامح وجهها التى تتلاشى كلما سقطت دمعة من اعينها

تكسر سكون الماء

وبصوت دامي تغني .. ويملاء نحيبها الوجود

je suis malad ( I'm sick)

هلا استعدى احدهم لها الطبيب

كيف وليس بها علة يداويها دواء طبيب او وصفة احد العطارين

لا يضمد جرحها سوى رؤيته مرة اخرى

T'arrive on ne sait jamais quand
Tu repars on ne sait jamais où
Et ça va faire bientôt deux ans

Arrive to you one never knows when
You set out again one never knows where
And that will make soon two years

ولكن كيف .. كم ستقضي من اعوام اخرى تجوب البلاد من بلد لاخرى لتجده

ارهقتها نظرات الشفقة فى اعين الاخرين .. ارهقها اصطناعها المزيف للسعادة

ارهقتها الوحدة والظنون .. ولا تطمح سوى للقاء واحد

همسة واحدة رعشة يد واحد

سؤال واحد

لم تركها للوحدة تنهش احشاءها

Je suis fatiguée, je suis épuisée
De faire semblant d'être heureuse
Quand ils sont là
Je bois toutes les nuits
Mais tous les whiskys
Pour moi ont le même goût
Et tous les bateaux
Portent ton drapeau
Je ne sais plus où aller tu es partout...

I am tired, I am exhausted
To make pretence be happy
When they are there
I drink every night
even all whiskies
For me have the same taste
And all boats
Carry your flag
I do not know any more where to go you are everywhere

بين طيات السحاب .. طائرة اخرى .. تحملها لبلد اخرى لعل فيها الملتقى

يعلو غناءها من جديد .. كعصفور كسير الجناح يعانى رصاصة صائد استقرت بين اضلعه

Je suis malade
Complètement malade
Je verse mon sang dans ton corps
Et je suis comme un oiseau mort
Quand toi tu dors
Je suis malade

I am sick
Completely sick
I pour my blood in your body
And I am like a dead bird
When you you sleep
I am sick

لا تتوقف عن الغناء .. تجوب هنا وهناك .. حتى تلك اليلة

فى تلك الحانة حيث محتسين الشراب والسيكار

تقف وتشدو اغنيتها ..

يعم السكون الارجاء

وبين الحين والاخر يتهامس المنصتين

قد يعجب من يراها تطلق العنان لصوتها ليجبر الجميع على الصمت .. حتى العازفين

فجرحها يعزف نغمات الاغنية كأمهر العازفين

ترى عاشقة ام جريحة ام غاضبة منتقمة

لا احد يعلم ولكنها مريضة بحبه

ولاخر كلمات الاغنية تعلن انها مريضة بحبه و هزيلة بدونه

حان الوقت لتصمت هي

وتواري دمعتها بينما يعلو صياح المصفقين بحماس

فكم كانت اغنيتها صادقة .. بين نشوتها وشجونها

رفعت رأسها وتجمدت الادمع فى مقلتيها .. حين لاح شبحه بين سحابة كيثفة من الدخان نفثها من سيكاره الكوبي الفاخر

هل تصدق اعينها

هل حان الوقت لاستجابة صلواتها

لا ..... لا ...

انه الموت المحقق

انه هو .. يلا يتكلف حتى عناء الابتسام .. سوا ابتسامة فاترة تنم عن الغرور

لتلك الحسناء التى تعرض عليه كأس الشراب

وتلك الاخرى ذات الرداء القصير التى تهمس بكلمات فى اذنه

وتهتز لضحكتها ارجاء المكان

ان لها لتتخذ خطوتها الاخيرة

الا وهي الرحيل

الى اين

لا تعلم

ماذا ستفعل

لا تعرف

ربما تعود لضفاف ذلك النهر

بعد طول الرحلة .. لتلقي بجسدها المنهك

تحت الجسر .. وفى السماء طيرا .. يشدو نغمات تلك الاغنية

لعله ايضا يستدعى وليفته بعد ما هاجرت عنه

c'est ça je suis malade
Tu m'as privée de tous mes chants
Tu m'as vidée de tous mes mots
Et j'ai le coeur complètement malade
Cerné de barricades
T'entends... Je suis malade...

it is that I am sick
You deprived to me of all my songs
You emptied me of all my words
And I have the completely sick heart
Encircled barricades
Hear you… I am sïck…

تـــــــــــــ النهاية ــــمت

رسالة الى معلمي

سيدي .. أيا رحال بين اسفار العلم ودروب المعرفة 

الى اين قاتدك السفن ؟؟ 

والي متى ستظل متغيبا عن موعد الدرس 

الذي طالما انتظرته لتعلمني فن الحياة 

اشتقت  لاتلقى المزيد على يديك ولا اعلم باي المحيطات ضللت طريق العودة

ترى تعمدت الغياب .. ام انك استسلمت

بحثت عنك  واتبعت اطياف اقلامك هنا وهناك

ولكن عام مضى و خبرا لم اتلقى منك

اغاضبا مني؟؟ 

اخيبت امالك فى اتباعي دروسك 

تسوقنى الحيرة الى الجنون اين اختفيت 

استحلفك بالله  ان تدعونى لدرسا جديد 

ان يكن درسا وحيد 

اخير .. لكن لا تدعنى .. وعنك دوما اخبرنى 

الكلام دا اهداء لدكتور محمد الرفاعي 

فعلا اشتقت للاستاذ ولعبدو وفاطمة 

اشتقت لحاجة جديدة كنت بتعلمها على المسطبة ومش عارفة ايه سر الغياب 

واتمنى من كل قلبي انو يكون بخير

 

ولحد اخر عمرى بحبك

على قد ما يزعل منك
ابسط كلمة ترضينى

اوقات غضبى يكن بركان
وحنانك فى لحظة يهدّينى

اول ما اسمع صوتك اتوه
واطير معاك لفوق السحاب لما تقولى وحشتينى

احترت فيك يا حب العمر كله
يا امل هعيش عليه ايام عمرى وسنينى

لحد اخر عمرى هفضل احبك
جوايا صورتك ليوم ما تنام لابد عينى