الحكم اخر الجلسة

بسم الله الرحمن الرحيم
نده الحاجب باعلى صوته وقال
محكمة
القاضى : اسمك وسنك وعنوانك ؟
المتهم : اسمى القلم الحر وعمرى من عمر الحضارة والتاريخ وبيتى جيوب كل المفكرين والمبدعين
القاضى : ايه تهمتك
القلم : انى حر حيران
القاضى : يا سلام يا سلام وانهى قانون اقدر احاكمك بيه
القلم : يا سعادة البيه .. اى قانون فى قانونكو البشرى يقدر يحاكمنى ماهو دستور كبت الحريات
القاضى : اسمع يابنى شكلك فصيح وهتتعبنى الرول عندى كله قاضايا واتهمات قول مشكلتك ومن الاخر هات
القلم : مشكلتى ان مش انا اللى بختار اللى بيمسكنى
القاضى : ازاى يعنى
القلم : ايد تمسكنى وتكتب بيا احلى نفاق فى وزير ظالم او مسؤل وقت انتخابات ويقولو عليا قلم كداب يستاهل الكسر
القاضى : اممم
القلم : وايد تمسكنى تكتب بيا كلمة حق .. تصرخ وتنادى بحرية رأى او حتى تطالب بشرعية فكر وبردو يقولو عليا مشاغب استاهل النفي
وغيرهم كتير وكتير .. اللى يكتب بيا قصيدة حب كدب فى كدب واللى على روقة بيرسم دمعة فى عين او سهم فى قلب
وكلهم يا سيادة القاضى بياخدو برائة وقال حجتهم ذلة قلم
القاضى : عينى عليك والنبى يابنى شكلك غلبان
استنانى بعد المداولة
والحكم اخر الجلسة