ميدو : ماما يعنى ايه حرية ؟
الام : انك تسيبنى انت واخواتك عشان ارتاح شوية
ميدو: ايه هى الحقوق الانسانية؟
الاب: انك تسيبنى اشوف الماتش وتمشى من قدام عنيا
ميدو: قولى يا ميزو يا اخويا اخرت التعليم اللى بتتعمله ايه ؟
ميزو:انك تعرف تشد نفس الشيشة وانت قاعد على القهوة من غير ما تضحك الناس عليك
ميدو : فاطمة اختى حبيبتى انتى اللى هتفهمينى لانى فاهم هما ليه مش بيردو عليا
فاطمة : يا حبيبتى متزعلش هما بس عايزين يعودوك تسكت جوا البيت لانك مجبر تسكت برا
بعد كام سنة
ميدو : ماما انتى ليه بترضى بتحكمات بابا اى حاجة بيقولها بدون نقاش لازم تمشى
الام: بطل لماضة وغور من وشى
ميدو: بابا ازاى ترضى مديرك يخصم لك عشان اتأخرت مرة دقيقة ونص وهو كل فين وفين لما بيجى الشغل يبص
بابا : وانت مالك .. هو انا ولا انت .. خليك فى حالك ومتدخلش
ميدو: ميزو قولى يا ميزو ازاى ترضى بحكم ماما وبابا انك تسيب حبيبتك كدا بسوهلة ومنها متتجوزش
ميزو : يعنى اعمل ايه قالو لى عليتها متشرفش ولمستواك متناسبكش
ميدو : اه يا دماغى .. فاطمة انا بدى افهم ايه اللى بيحصل
فاطمة : يابنى قولتك مرة زمان اتعلم تسكت ... ليه لكلامى مبتسمعش
ميدو : اه يا دنيا ماشى غلط واخداها عكس .. ولا تلاقى الناس ديه الصح وانا اللى غبى ومبفهمش
(( ميدو لسة تايه .. يا ترى هيمشى ويا التيار ولا فى يوم هيلاقى اجابة تقنعه))
7 comments:
انا اول واحده ارد :D:D:D
حلوه جدا جدا ... لازم نتعلم نسكت عشان نعرف نعيش
أميره : ويسبر يا صاحبتى قولى لى انتى بتجيبي الكلام الجامد ده منين؟؟
:)
هههههههههه :$ :$ :$ :$
ميرسى يا حبيبتى ربنا يخليكى يا قمر
وانا اكيد سعيدة انك اول واحدة تنورى البلوج عندى
جميلة جميلة جدا..البلادة والانانية..والتقوقع داخل الذات..صفات كثير منا فى هذا العصر..الموضوع مش السكوت عن الكلام ولكنه الوخم الفكرى الذى اصاب الناس..ةفقدان الامل فى الغد وكره والكلام فيما ما لانحب وفقدان الامل فى الغد كلها عوامل ادت بنا الى هذه الظاهرة المحبطه لاجيالكم عليكم الثورة والتمرد على هذا الواقع البليد
الحوار القائم هو حوار بين الاجيال..جيل الاباء وجيل الابناء..جيل فاقد لللامل وجيل متطلع للغد..
نصحية ايها الجيل الجديد لاتنظروا او باعين اجيال يائسة الغد المشرق لكم بفكركم الحر وجهدكم الدائم للوصول الى غد واعد..فلتكن رؤياكم للغد من خلال ما حباكم به هذا العصر من وسائل المعرفة الميسرة السهلة التى لم تتوفر لجيل الاباء الغد لكم ولكم باعزيمه والجدية والاصرار
اه يا دنيا ماشى غلط واخداها عكس .. ولا تلاقى الناس ديه الصح وانا اللى غبى ومبفهمش
رائعه بجد صرخه بمنتهي الروعه
قلت اللي ممكن يتكتب في كتب بكلامك ببساطه
بوست روعه
لك تحياتي
جميلة حقاً يا صديقتى العزيزة ، فهذا هو المطلوب الا وهو السكوت ، فهذة هى الطريقة المتبعة عند العرب وهى الخضوع وعدم المناقشة ، متى يفيقوا العرب مما هم فيه
اهو ميدو ده هيبقى اكتر واحد بيفهم فيهم وهيطلع عين اهله كلهم
اشحن كارت حرية بعشرة بخمسين بمية
بس لو اتغير طعم الدنيا
ساعتها هتعرف ان الدنيا كدابة بنت كدابة
وهتقول
الله يرحمك يااما
ويرحمك بقا يابا
تسلمى يا ويسبر حوار جميل واسئلة كتيرة بس فين يا ترى الاجابة
Post a Comment