حادث انتحار جماعى

يؤسفنى انقل لكم الخبر الحزين دا انتحار اربعة من البائسين
الاول كان العقل وكانت وصيته بتقول
اعيش ازاى بعد لما هانوني

سرقوا احلامى وبالغباء اتهمونى

وفى قفص اليأس سجنونى

باديا اموت ولا كل يوم من سم الظلم يشربونى

الشجاعة لما قريت وصية العقل بنفس السهم طعنت نفسها

واخر كلمة طلعت منها
اعيش ازاى من بعده وانا طول عمرى كنت حبيبته

كنت دايما رصاصته فى قلب الظلم

هو اللى عملنى احارب الخوف واهزمه بشرف

اكيد الحياه من غير عقل اخر قرف

وبعد ساعات من دفن العقل والشجاعة سمعنا صرخة دفتر الاحزان بتقول القلم انتحر
وعلى صفحة الاحزان بدموعه كتب
ليه العجب العقل والشجاعة ابويا وامى اللى سابونى

,, بعد لما علمونى ان صوت الحق عالى وطلب العدل على النفس غالى

راحو وضاعت معاهم كل امالى

اعيش ازاى من غير عقل وشجاعة اقول ايه بس واعلم ايه لاجيالى

المنتحر الاخير كان الامل
وكتب على اخر صفحى فى تاريخ الغابة البشرية
فاضل ايه اعيش عشانه

العقل اللى كان بيفكر

ويخطط مع الشجاعة ازاى معايا وبيا يوصلو لبكرا

وبالقلم يرسمو خطة لحياة اكيد احلى
باقى لي مين يحس بيا ويدور معايا

على بكرا اللى ضاع وضاع منى اراضيه

من غير عقل وشجاعة ولا كملة حق من قلم ازاى الاقيه

باقى ايه فى الحياه لما اسود الغابة البشرية

اغتالو مننا كل الحاجات الحلوة
ديه مش حادثة انتحار
ديه مذبحة جماعية