كنت زمان طفلة صغنونة .. يعنى يا دوبك شبر ونص
ألبس كعب ماما العالى وأطل من الشباك وابص
وأشوف الدنيا الحلوة الواسعة واقول امتى راح اكبر بس
وماما تقولى يابنتى استنى لسة معاكى العمر طويل
عيشى طفولتك ويا براءتك بكرا تعِدى نجوم الليل
وعدت ايام ومعاها سنين والشبر ونص بقت شبرين
وشبرين وتلاتة ويوم ورا يوم قلبى الاخضر بقة مفتون
بالدنيا الواسعة اللى اتمناها ولا كان يعرف عمره مداها اللى بميت لون
الوان حقيقية والاوان طيف ياقلب ضعيف ف عالم مجنون
طف .. لف .. جرب .. شوف بس اوعى تجيلى ف يوم ندمان
انت اللى حلمت بيوم ما هتكبر يللا اتقدم خطوة كمان
هااااااااااااااااااااااااااااااااااا ؟؟؟
جربت يا قلبى وشوفت حبايبى ازاى قاسيين
اتمنيت الدنيا الواسعة وطاعت منك احلى سنين
ولسة هيجى اليوم وتحس
ان ياريتك ترجع تانى
الشبر ونص
8 comments:
انت ليه بس مستعجلة أنك تكبري
أنت لسه برضوا شبر ونص
البنات دول يحيروا وهم صغيرين يبقى نفسهم قوي يكبروا
ولما يكبروا فعلا يقعدوا يصغروا غي نفسهم
اسمعي كلام والدتك لسه قدامك العمر طويل جدا
وإن شاء الله تقضيه في سعادة وتعيشيه بالصورة الني تتمنيها
تحياتي
ميرسى ابو ريشة على ويارتك للبلوج بتاعتى
معاك حق فى ان البنات تحير
لكن تأكد انى مبسوطة بسنى جداا
ديه مجرد خاطرة زجلية
اتمنى تنور البلوج بزياراتك دايما وتشرفنى بتعليقاتك
ياسلام على همسات الليل صحيح جميله ومعبرة وكمان فيها تمكن و موهبة واضحة انا تجولت فى مدونتك وكل كلامك جميل واضح انك حيكون ليكى مستقبل..المهم انك بتعبرى عن اللى جواكى..استاذنك انى اضيفك على مدونتى ..علشان احى ازورك من وقت للتانى
اكيد طبعا زيارتك تسعدنى جداا
وكمان اراءك فى كتاباتى تشرفنى
واتمنى اكون عند حسن ظنك الجميع دايما تقبل تحياتى
فعلاً عندك حق لما كان الواحد لسه شبر ونص كانت الدنيا أحسن بكثير ، وأنا كنت بأقرا البوست بتاعك فى الاول لما كان نفسك تكبرى ، قلت مع نفسي اكيد حتكتب بعد كده أنك لم تتبسطى أو تفرحى لما كبرت وحتعرفى أنك لما كنتى شبر ونص كان أحسن ، وفعلاً وجدت أن هذا هو رأيك ، على الأقل لم نكن نعرف أن الدنيا كلها شر بهذا الشكل وكنا نرى الدنيا وردية وجميلة ، فعلاً ، يا ريت الدنيا ترجع بينا تانى
اخى العزيز gay
زيارتك اسعدتنى جداا بس يهمنى انك تبص للحياة بنظرة تفاؤلية اكتر من كدا
احنا لازم تعرف معنى القسوة عشان نصدق معنى الحنان
لازن يوجعنا الشر عشان يداوينا الخير
وتأكد ان لو الدنيا مليانا شر دلوقتى
فهى منتظرة منك تخبط على بابها بقلب جامد عشان تفتح لك باب الخير
تقبل تحياتى
nice post
يعني حاسس ان كلة برائة و فعلا جميل
و متستعجليش الكبر جاي جاي و كمان حيجيلك بهمة و بمشاكل الدنيا بعد كدة عيشي حياتك سنها بسنها و لحظتها بالحظتها
لانك لما حتكبري حتفتكري الايام دي و تضحكي عليها من قلبك و يمكن تكون هي دي لحظات السعادة المسروقة الي بنسرقها من الماضي علشان تدينا دفعة للحاضر
( المقصود بالمشاكل : البيت العمل الاسرة الاولاد المستقبل و تامينة لاطفالك .... ) تو ما الست او الراجل اتجوز مهما كان هو او هي شخصيتة بتتغير و مسؤلياتة بتبقي خطيرة ربان سفينة يا يوصل بيها يا يغرق بيها يا يطلع ندل و يفط منها سايب الي فيها
تحياتي و فعلا بوست جميل
ميرسى على ردك الرقيق ويارب دايما كتاباتى تعجبك
Post a Comment